Կալորիաները հաշվարկող ջեռոց. 1in.am

Ամերիկյան General Electric ընկերությունն աշխատում է այնպիսի ջեռոցի արտադրության ուղղությամբ, որը կարող է հաշվել սննդի մեջ պարունակվող կալորիաների քանակը:

Սարքավորման նախատիպը կիրառում է միկրոալիքներ, որոնք ներթափանցում են սննդի մեջ, որպեսզի չափեն դրա մեջ պարունակվող ճարպի և ջրի քանակը: Այնուհետև սարքավորումը յուրօրինակ ղեկավարվում է, որպեսզի հստակ որոշի ճաշատեսակում կալորիաների պարունակությունը:

Դրա հետ մեկտեղ, սարքավորմանը հարկավոր չէ իմանալ ճաշատեսակում սպիտակուցների, ածխաջրերի ու շաքարի պարունակության չափը: Այն դեռեւս գտնվում է նախագծման փուլում և անվանում չունի: General Electric-ի մասնագետները հույս ունեն, որ ճարպակալման աճող ծավալներին զուգահեռ, կալորիաների հաշվարկման հնարավորությամբ ջեռոցը մեծ պահանջարկ կունենա:

Հարցեր, պատասխաններ, մեկնաբանություններ